--Ads--
BAGUIO CITY – Ad-adda pay a bimmaba ti temperatura ditoy siudad ti Baguio.
Nailista ti 8.5 degrees celsius a kababaan a temperatura ditoy siudad itay agsapa.
Nababbaba daytoy iti 9.2 degrees celsius a kababaan a temperatura a nailista ditoy siudad idi domingo.
Segun iti Pag-asa Baguio, intunda daytoy ti pimmigsa a northeast monsoon nga agtataud iti Siberia.
Maipalagip a nailista ti 8.5 degrees celsius a temperatura ditoy siudad idi pay Enero 2014.
Manamnama met a nababbaba ti temperatura iti Mount Pulag iti Kabayan, Benguet; iti Mt. Sto. Tomas sadiay Tuba, Benguet ken iti dakkel a paset ti Atok, Benguet.
