BAGUIO CITY – Manamnama a mapapartak itan ti panakaiproseso ken panakairuar ti resulta dagiti specimen dagiti swab test dagiti umili ti Benguet.
Kasaruno daytoy ti panakanayun ti RT-PCR machine iti molecular laboratory ti Benguet General Hospital (BeGH) babaen iti kapada a makina nga indonar ti caretaker congressman ti probinsia.
Sigun iti kongresista, babaen iti nanayonan a kapabilidad ti molecular lab ket saan a maladaw ti panakairuar dagiti resulta dagiti swab tests ken maliklikan ti insidente ti false positive report nga intuntunda ti adu unay nga specimen a maipaspasidong iti proseso iti molecular lab ti Baguio General Hospital.
Kinunana a babaen iti baro a kapabilidad ti molecular lab ti BeGH ket mabalinen a matulongan dagiti dadduma a probinsia iti rehion iti panakaiproseso ti swab test dagitoy.
Iti agdama ket addan ti dua nga RT-PCR machines iti molecular lab ti BeGH.
