Baguio City- Pormal nang itinurnover ng Tourism Infrastructure and Enterprise Zone Authority (TIEZA) sa lokal na pamahalaan ng Baguio City ang kauna-unahang Tourist First Aid Station sa bansa.
Pinangunahan ni TIEZA Chief Operating Officer Mark Lapid ang turnover ceremony kasama si Baguio City Mayor Benjamin Magalong. Matatagpuan ang Tourist First Aid Station sa pagitan ng main entrance ng Children’s Park at ng biking area sa Burnham Park.
Nagkakahalaga ito ng ₱4.7 milyon.
Direkta itong nakakonekta sa Baguio City Emergency Command Center at kumpleto sa mahahalagang kagamitang medikal at pang-emergency tulad ng defibrillator, first aid kit, computer, communication equipment, retractable stretcher, solar panels, at iba pang medical na kagamitan.
Ayon sa TIEZA, ito ang kauna-unahang Tourist First Aid Station sa Pilipinas.
Inaasahan ding magkakaroon ng katulad na pasilidad sa iba pang pangunahing tourist attractions sa Baguio City upang higit pang mapalakas ang kaligtasan at agarang pagtugon sa mga emerhensiyang maaaring maranasan ng mga turista at residente. Via Bombo Jordan Tablac
