BAGUIO CITY – Ngimmato ti tourist arrival iti probinsiya ti Benguet ita a tawen.
Iti interview ti Bombo Radyo kenni Cyrder Urban, Tourism Operation Officer – Benguet, kangrunaan a pagturturongan dagiti turista iti Strawberry Farm wenno daduma pay a farm idiay La Trinidad, Benguet.
Kabayatanna, pagsagsaganaan ti nasao a probinsiya ti Tourism week inton sumaruno a bulan.
Karaman kadagiti aktibidad a maipatungpal ket Tourism exhibit fair, tourism forum, traditional cook fest ken daduma pay.
Iti nasao a cook fest, maitampok dagiti nagduduma a cuisine ti probinsiya nu sadino traditional ingredients ti aramaten dagiti makipaset iti nasao nga aktibidad.
Innayon ni Urban a maysa kadagiti maur-uray a Tourism activities ket ti cultural performances a pagbabalubalan dagiti sangapulo ket tallo a municipyo.
Malaksid iti dayta, adu ti magagaran iti mapadpadaanan nga Adivay Festival nu sadino manarimaan ti panagsagana dagitoy para kadagiti aktibidad inton Nobyembre.
