BAGUIO CITY – Apektado ti trabaho ken negosio ti dadduma nga OFWs sadiay Brunei kagiddan ti COVID-19 crisis.
Sigun ken ni Bombo International Correspondent Ana Laganga, maysa a Pinoy nga agdadait sadiay Brunei, naapektaran ti pagtatrabahuanna a shop gapu iti kinaawan ti kustomer dagitoy iti napalabas a dua a lawas.
Nupay kasta, kinunana nga agluklukat latta ti shop dagitoy tapno makita dagiti tattao nga umaw-awatda latta iti kustomer.
Dinakamat pay ni Laganga nga apektado metten ti trabaho dagiti dadduma nga OFWs sadiay Brunei gapu kadagiti maipatpatungpal a nainget a pagalagadan.
Nupay kasta, kinunana a gapu kadagiti pagalagadan ket agtaltalinaed a nababa ti kaso ti COVID 19 sadiay a dumanon iti nasurok 140, bayat a 134 dagiti naimbagan ken maysa ti pimmusay.
Inladawan ni Laganga kas ‘disiplinado’ dagiti tattao sadiay Brunei a pakairamanan dagiti OFWs.
