BAGUIO CITY – Agkidkiddaw iti temporaryo a relocation site dagiti traders ken boothholders iti La Trinidad Vegetable Trading Post nga apektado iti proyekto ti lokal a gobierno partikular ti panakapalawa ti Municipal Hall iti masakupan ti trading post.
Sigun kenni Agot Balanoy, panakangiwat ti liga dagiti asosasyon iti nasao a trading post, nagsuratdan iti opisina ti mayor tapnu ikonsidera ti lokal a gobyerno ti posible nga epekto ti proyekto iti transaksyon ti nateng sadiay.
Kinunana a saanda a tubtubngaren ti maipatungpal a proyekto ngem nasurok iti 100 a traders ken booth holders ti maapektaran ti operasyonda.
Apektado met laeng dagiti mannalon nga agturturong iti trading post gaputa awan ti pagdiskargaanda iti natengda
timek ni Agot Balanoy, panakangiwat ti liga dagiti asosasyon iti La Trinidad Vegetable Trading Post
Impalagipna nga ado nga stakeholders ti napukawan iti pannakaipasdek ti Community Business Center iti met laeng masakupan ti trading post ngem saan paylaeng a nagsubli dagiti napapanaw nga stall owners.
Umap-apela dagiti stakeholders a sakbay nga agrugi ti proyekto ket addan ti napintas a pagakaranda tapnu saan nga agsagaba ti regular a transakyon ti nateng iti trading post. -report from Bombo Jorton Campana
