Kinanselar iti Korte Suprema (SC) ti tradisional a summer session dagitoy iti siudad ti Baguio ita a tawen gapu iti panagngato iti presio iti gasolina a gapu iti tension a mapaspasamak idiay Middle East.
Sigun iti Korte Suprema, ti addang ket paset iti singasingda a panagtipid iti enerhiya iti sidong iti SC Memorandum Circular No. 02-2026, a naipatungpal idi Marso 8, 2026, kagiddan kadagiti panagregget iti gobierno.
Ti pablaak ket naaramid kalpasan a mangipatungpal iti hudikatura iti hybrid setup tapno makatipid iti enerhiya.
Sigun pay iti Korte Suprema, ti panangipatungpal iti summer session iti siudad ti Baguio ket maysa a tradision a nangrugi pay idi tawen 1948 iti panawen ni Chief Justice Manuel Moran.
Dagiti summer session para iti tawen 2026 ket naituding manipod Abril 6 agingga Abril 30 ket maipatungpl laeng idiay Maynila, karaman ti oral arguments kadagiti petision seknan iti 2024-2026 General Appropriations Act ken foreign divorce.
Innayon pay iti Korte Suprema a ti panangiyakar iti summer sessions iti Maynila iti agdama a tawen ket saan a mangipasimudaag a saandan a mangipatungpal kadagiti espesial a sesyon iti Baguio nga agsubli iti normal ti kasasaad.
