Sinuspindir ti gobierno idiay Turkey dagiti amin a transaksyonda idiay Israel kagiddan ti kumarkaro a tension iti nagbaetan ti nasao a pagilian ken iti Gaza.
Sigun kenni Turkish Trade Ministry, maipatungpal daytoy agingga a palubusan ti Israel a mangipaay dagitoy ti tulong kadagiti naapektaran nga indibidual idiay Gaza.
Maipalagip a ti panagtagilako iti nagbaetan ti Turkey ken Israel ket dumanon iti agarup $7 bilion idi napalabas a tawen.
Nupay kasta, impetteng ni Israeli foreign minister Israel Katz a nasken nga ikonsiderar ti Turkish President ti interes dagiti umili ken dagiti negosyante iti masakupanna a pagilian.
Malaksid iti dayta, nasken nga ikonsiderarna metlaeng ti international trade agreements dagitoy. Kabayatanna, binilin ni Katz ti Foreign Ministry nga agbiruk dagitoy kadagiti alternatibo a wagas idiay Turkey kas ti local production ken ti panagangkat kadagiti dadduma a produkto manipud iti dadduma a pagilian.
