Inlawlawag ni Department of Public Works and Highways Secretary Vince Dizon nga araramiden ti nasao nga ahensya ti kabaelanda tapno masigurado ti transparency iti amin a proyekto a maararamid.
Inwaragawag na daytoy iti maysa a press conference ti Department of Education (DepEd) ken Department of Public Works and Highways (DPWH) seknan iti katugalan dagitoy iti panangaramid kadagiti klasrum iti pagilian.
Sigun kenni Secretary Dizon, amin dagiti procurement dagiti proyekto pakairamanan dagiti maipatadkder a klasrum ket dumalan iti baro a proseso.
Maysa kadagitoy ti Transparency Portal ti nasao nga ahensya no sadino masarakan dagiti amin nga impormasyon ti plano, proyekto, bidding, ken dadduma pay.
Innayonna pay nga adda dagiti agreements a pinirmaan ti nasao nga ahensiya kadua dagiti nagduduma a civil society groups pakairamanan ti Bishops Conference of the Philippines no sadino karamanen dagitoy kadagiti mangmonitor kadagiti proyekto ti Department of Public Works and Highways (DPWH).
Kabayatanna, inlawlawagna nga kadua metlaeng ti nasao nga ahensya a naapektaran iti mannarimaan a krisis no sadino ngimmato amin dagiti presyo dagiti maaramat a materyales iti proyekto.
Nupay kasta, impettengna a kas paset iti transparency, makita ti publiko amin dagiti naaramat a budget iti Transparency Portal ti nasao nga ahensya. //bombokaren.c.s.
