Nangiruar iti statement ti United Transport 86% Consolidated Entities Nationwide a mangisayangkat iti maysa a nationwide transport holiday inton Lunes, Marso 23, 2026, kas sungbat iti sangsangwenda a krisis iti sektor iti transportasion.
Sigun iti grupo, mangibagbagi iti agarup 86% kadagiti consolidated transport service entities (TSEs) iti Pilipinas, nagkaykayda dagiti lider manipod iti Luzon, Visayas ken Mindanao ti temporario a panagsardeng iti operasion kas panawagan iti dagos a tignay ti gobierno.
Impeksa iti grupo a sumangsango iti serioso a pakaseknan ti sektor gapu iti agtultuloy a panagngato iti presio iti krudo, kinakurang iti fare adjustments, ken pannakaitantan iti panangiruar iti subsidiya manipod iti gobierno, karaman ti fuel subsidy, service contracting, ken equity subsidy.
Inlawlawag met dagiti organizer a ti transport holiday ket natalna ken saan a makariribuk; awan ti road blocking wenno nalawa a panagprotesta; ken nakapokus laeng iti temporario a pannakasuspindir iti operasion ken maintenance kadagiti lugan.
Impaganetgetda a saan daytoy a kontra kadagiti commuter nu diket maysa a panawagan para iti dagos a panagtignay iti gobierno.
Imbinglay pay ti grupo ti pannakaalarmada iti pannakariro iti panangimplementar iti subsidiya, partikular iti panagbalbaliw iti guidelines iti panangiwaras iti fuel subsidy a makaap-apektar kadagiti drayber ken kooperatiba.
Panggepda pay a mangipila iti surat iti Presidente tapno ibutaktak dagiti kiddawda, karaman ti dagos a tignay iti fare adjustments; panangiruar iti naitantan a subsidiya; panangituloy iti service contracting; nalawag ken consistent a panangimplementar kadagiti polisia.
Kidkiddawen ti nasao a grupo iti gobierno nga agtignay a dagos sakbay pay a kumaro ti sitwasyon len makaapektara iti agpada a transport sector ken commuting public.
Kabayatanna, kidkiddawenda kadagiti pasahero nga agplano iti biahe idi nasapa iti aldaw iti transport holiday.
Ti nasao nga addang ket panggepna nga ipaganetget ti agdama a kasasaad iti industria iti transportasion ken agbiruk iti longterm solution para iti pagnumaran dagiti operator ken commuter.
