Manamnama a maaramid ti triplet giant shortcake para iti panakarambak ti 2026 Strawberry Festival idiay La Trinidad, Benguet.
Sigun kenni Councilor Belmer Elis a mangidadaulo ti Committee on Tourism, “everything is prepared” para ti nasao a cake a manamnama a mabingay-bingay iti 10,000 nga slices para iti publiko.
Sigun kenni Councilor Elis, available itan ti tickets para iti cake nga agbalor iti ₱20.
Maipalagip nga idi napan a tawen ket naitampok iti nasao a pestibidad ti Giant Kayabang Strawberry Shortcake a nakaaramatan ti 500 a kilo dagiti strawberry.
Dimmanon iti 10Feet ti katayag daytoy ken nakaaramid iti 16,000 nga slices a naidiaya iti balor a ₱35.
Kabayatanna, imet paylaeng ti nasao a munsipyo ti Guiness World Record iti largest strawberry shortcake.
Ti panakarambak ti maika-15 nga Strawberry Festival sipud na-institutionalize daytoy ket addaan iti tema a “Limitless La Trinidad: Heart, Harvest, Harmony” a naadaw iti panagtutunos ti komunidad iti nasao a munsipyo.
Manamnama met a sumangaili ni Senator Erwin Tulfo iti main program ti Strawberry Festival inton March 18, 2026.//Bombo Noveh Organo
