La Trinidad, Benguet- Indaulwan ni reigning Most Valuable Player Cyril De Vera ti Tuba basketball team iti panangabak dagitoy kontra Mankayan iti iskor nga 88-71 iti panagtultuloy ti Cong. Eric Go Yap Congressional Cup – Benguet Basketball League a naipatungpal idiay Benguet State University covered court idi rabii.
Nabigbig kas Best Player of the game ni De Vera babaen iti double -double performancena nga 18 points ken 11 rebounds bayat a ti rookie teammatena a ni Jervie Calibo ket naka-iskor iti 21 points, lima a rebounds ken tallo nga assist.
Dakkel met ti naipaay a kontribusyon ni Nelvin Turtoga babaen iti 10 points, seven rebounds, six steals ken innem metlaeng nga steals.
Kabayatanna, iti Mankayan basketball team, nakapuntos iti 19 points ni Joshue Artime, ni Juanito Bagwan nga addaan iti 13 points ken 13 rebounds.
Nangipaay met ti napintas a performance da Rogen Del-isen ken Adrian Sison iti sag sangapulo a puntos.
Imet ita ti Tuba ti 8-1 win loss record ken agdama nga adda iti maikatlo a pwesto iti team standings bayat a natnag met iti tallo a pangabak ken uppat a pannaka-abak ti Mankayan.//JRT
