--Ads--
Impakaammo ti Philippine National Police (PNP) nga awan ti naala a DNA profile kadagiti tulang a narekober iti Taal Lake, mainaig iti mapukpukaw a sabungeros.
Sigun iti pannakangiwat ti Philippine National Police a ni Brig. Gen. Jean Fajardo, nabayagen a nailumlom dagiti tulang iti uneg ti danum a nakaigapuan ti nakaro a kontaminasion.
Nupay kasta, adda ti narekober a DNA profile manipud iti dua a lalaki ken maysa a babae manipud kadagiti tallo nga skeletal remains a naitabon iti maysa a sementerio sadiay Laurel, Batangas.
Iti baet dayta, saan a nagtunos ti DNA dagitoy iti aniaman kadagiti pamilia dagiti mapukpukaw a cockfighters.
