BAGUIO CITY–Naawat metten ti probinsia ti Kalinga ti umuna a batch ti bakuna a Sinovac para kadagiti health workers dagitoy
Maibasar iti damag, indaoloan ni Kalinga Governor Ferdinand Tubban ken dadduma pay nga opisyales ti Kalinga Provincial Hospital ti pannaka-awat kadagiti bakuna idi kalman.
Sigun ken Governor Tubban, manayunan pay ti proteksion dagiti health workers sadiay kontra iti COVID-19 ken dadduma nga agnumar iti bakuna babaen kadagiti 300 vials a naawat dagitoy.
Kagiddan iti dayta, inlawlawagna a saanda nga ipilit kadagiti umili sadiay nga agpabakuna ngem inyapelana iti panangikonsiderada iti kinapateg ti panagbakuna tapnu masalakniban ti salun-at ti tunggal maysa.
Kabayatanna, pinagyamananna met ti DOH-Cordillera ti panakaipangruna dagitoy a maipaayan ti bakuna.
Manamnama met a maisayangkat ti panagbakuna intun Marso kadagiti 76 a health workers ti Kalinga Provincial Hospital.
Mainaig iti dayta, manamnama pay a sumangpet ti maikadua a batch dagiti bakuna kalpasan ti 28 nga aldaw.
