--Ads--
MANILA- Maibilang itan a colorum dagiti unconsolidated jeepney, kalpasan a naiserra idi Mierkoles, Abril 30 ti consolidation dagiti public utility vehicles, particular iti National Capital Region.
Sigun kenni Jonathan Gesmundo, panakangiwat ti Department of Transportation, maipaayan dagitoy ti due process, no sadino ilawlawagda ti a saanda a panakipaset iti programa ti gobierno a Public Utility Vehicle Modernization Program (PUVMP).
Nupay kasta, posible a matiliw dagitoy apaman nga ituloyda nga ag-operate.
Kabayatanna, kinona ti grupo ti PISTON a mangikabil laeng ti nasao a programa ti dadagsen kadagiti Pilipino, nangruna kadagiti trabahador.
