Baguio City- Simmampeten sadiay La Trinidad, Benguet ti undefeated Cordilleran boxer ken agdama a kampeon ti World Boxing Association – Asia super bantamweight king Carl Jammes Martin para iti naituding a laban daytoy sadiay Cordillera Career Development College intun Disyembre 17.
Makalaban ti Ifugao boxer ti Thai brawler a ni Komgrich Nantapech para iti International Boxing Federation – Pan-Pacific super bantamweight title.
Sigun kenni Abel Martin Jr, ama ken tumaktakder kas head trainer ti 23 years old boxing prodigy, inkeddeng dan a sumang-at ditoy Baguio-Benguet tapno ma-acclimatise wenno masanay ti physical a kondisyon ni Martin iti naingpis nga angin a makatulong iti conditioning ken endurance.
Innayon pay boxing trainer, nakumpleto da metten ti mano a bulan a panag ensayo ken training sadiay Metro Manila ken imprioridad da nga insaganaan ti depensa ken nagduduma a stratehiya tapno ma-counter ti agresibo ken brawler a Thai boxer.
Iti agdama ket naka-tutok dagitoy iti panagkessay ti timbang ti boksingero nga adda iti 130lbs ken kumpyansa a maala ni Martin ti 122lbs weight limit.
Naipasidong iti sparring sadiay Highland Boxing Gym ti Cordilleran boxer kenni King Arthur Villanueva, ti agdama a World Boxing Association (WBA) Asia South bantamweight kas paset iti preparasyon daytoy iti 10 rounds main event.
Sigun met kenni Pinoy Prodigy Boxing Promotion head Darwin Miller Dep-ay, adda itan iti nasurok 90% a kondisyon ti Igorot boxer ken agtalek daytoy a magun-od na ti naan-anay a kondisyon sakbay ti weigh in.
Ti pinoy boxer ket imet na ti impresibo a ring record a 20 wins nu sadino 16 ditoy ket babaen iti knockout.
Ni Martin ket nagpirman iti kontrata iti sidong ti Probellum nga ag-prompromote iti laban ti bantamweight champion a ni Nonito Donaire ken posible a maipaayan daytoyen iti laban sadiay Amerika intun sumaruno a tawen.
Kabayatan na, iggem ti Thai fighter ti record a 31 wins, 22 ditoy babaen iti knockouts ken 5 looses.
Agserbi kas co-presenter iti boxing event ti Highland Boxing Promotions nga idaolwan ti renowned International match maker a ni Brico Santig.. //jordantablac
