BAGUIO CITY- Pinirmaanen ni Mayor Benjamin Magalong ti memorandum ti Public-Private Partnership for the People (P4) Committee ti lokal a gobyerno ti Baguio a naglaon kadagiti terms for negotiation iti narugian a proseso ti modernisasyon ti Baguio City Public Market.
Iti interview ti Bombo Radyo Baguio, kinunana a dumanon iti 34 ti terms for negotiation.
Immunan a kinuna nu City Administrator ken P4 Committee chair Engr. Bonifacio dela Peña nga apaman nga aprobaran ni Mayor Magalong ti nasao a memo ket sumreken iti negotiation stage ti lokal a gobyerno ti Baguio ken ti kompanya a nakaipaayan ti Original Proponent Status nga agpaut iti 45 nga aldaw.
Karaman kadagiti kangrunaan nga isyu iti terms for negotiation ket ti zoning dagiti vendors ken pwesto dagitoy, proteksion dagiti suppliers, lokasyon ken kalawa ti maibangon a moderno a public market, ti buildable footprint ken ti site development.
