BAGUIO CITY – Nakemmeg ti uppat a drug personalities ken nakumpiskar ti iligal a droga nga agbalor ti P551,592 iti naipatungpal nga anti-illegal drug operations iti Baguio City, Kalinga, and Abra idi metlaeng Agosto 13.
Iti siudad ti Baguio, nakemmeg t 33-anyos a suspek idiay Barangay Bakakeng Central babaen iti bileg ti warrant of arrest nga impaima ti nagtipon a pwersa ti Baguio City Police Office, Regional Mobile Force Battalion 15 ken Regional Intelligence Unit 14.
Nakumpiskar kenkuana ti 62 grams ti maatap a shabu nga agdagsen ti P421,600, ken 10 grams ti dried marijuana leaves nga agbalor ti P1,200.
Malaksid iti dayta, natiliw ti maysa pay nga Street Level Individual idiay Barangay Padre Zamora nu sadino agarup 0.63 grams ti maatap a shabu nga agbalor ti P4,284 ti nakumpiskar.
Idiay Kalinga, natiliw ti High-Level Individual suspect iti buy-bust operation nga impatungpal ti Kalinga Police Provincial Office, daduma a yunit ti pulisya ken Philippine Drug Enforcement Agency – Kalinga idiay Barangay San Juan, Tabuk City.
Nakumpiskar manipud iti suspek ti 17.05 grams ti maatap a shabu nga aggatad ti P15,940.
Idiay Abrta, natiliw ti 27-anyos nga Street Level Individual idiay Barangay Bangbangar, Bangued.
Nakumpiskar kenkuana ti agarup 1.26 grams ti maatap a shabu nga agbalor met ti P8,568.
Sumangsango dagiti suspek iti kaso a panaglabsing iti Republic Act 9165 wenno Comprehensive Dangerous Drugs Act of 2002.
