Nalapeddan ti Bureau of Immigration ti uppat a sex offenders iti panagserrekda iti pagilian ita a bulan.
Sigun iti Bureau of Immigration, maysa nga American national ti saan a napatgan a sumrek iti pagilian iti Mactan Cebu International Airport idi Marso dise sais gapu iti sexual misconduct daytoy iti maysa a kinse anyos a menor de edad sadiay Michigan.
Maysa met nga American national ti nalappedan iti Ninoy Aquino International Airport Terminal 1 idi Marso baente dos bayat a maysa a British national ti na-convict idi Good Wednesday gapu iti panakaaddana ti ladawan dagiti indecent nga uubbing ken idi kalman, napasardeng ti maysa nga American National gapu iti kasona a sexual assault iti maysa nga onse anyos a menor de edad.
Dagus met a nainayun iti blacklist dagiti uppat a sex offenders.
