Inyebkas ni elect US President Donald Trump ti panagyaman daytoy kadagiti amin a grupo, states ken simmuporta kenkuana para iti panakabotosna kas sumaruno a presidente ti Estados Unidos.
Iti panakiuman ti Bombo Radyo kenni Delfrado Villanueva, Bombo International News Correspondent idiay Estados Unidos, kinunana a mapatta-patta a ngumato pay iti 291 a botos ti maala ni Trump.
Innayon ni Villanueva nga iti panakabilang dagiti botos dagiti presidential candidate a da Trump ken Harris ket nagnaed ni Trump iti Pennsylvania, ti state a nangited iti panangabakna nangruna ket mabigbigbig daytoy kas kapaspasamakan ti “swing vote” wenno ti pabaliw-baliw a panagsuporta dagiti umili nu daytoy ket iti Republican wenno Democrats.
Iti nagbalin a panagbitla ni Trump, kinunana a pagpokusanna ti ekonomiya ti Estados Unidos kasta met ti maipapan kadagiti immigrants nu sadino nasken nga agbalin a ligal ti panagserrek dagiti tattao sadiay.
Kabayatanna, saan a mailibak a ti nakaala iti kaadoan a “popularity vote” wenno ti nakaala iti kaadoan a botos manipud kadagiti big personalities wenno celebrities ket ni Vice President Kamala Harris.
Nupay kasta, saan daytoy nga umdas para iti panakaalana iti posisyon.
Simmango met ni Campaign Co-Chair Cedric Richmond ni Harris a nangipakaamo nga inton bigat a makasango ti US Vice President dagiti supportersna kasta met ti panagbitla daytoy.
