Impakaammo ni US President Donald Trump a balligi ti impatungpal dagitoy a panagatake kadagiti tallo a nuclear sites sadiay Iran a pakairamanan ti pasilidad a nakakali iti maysa a bantay sadiay Fordow, kasta met sadiay Natanz ken Esfagan.
Sigun kenni Trump, nasken nga ummanamong ti Iran iti katulagan a sumardengen ti gubat.
Kinuna met ti White House a nagsarita da Trump ken Israeli Prime Minister Benjamin Netanyahu kalpasan ti panagatake ti Estados Unidos sadiay Iran.
Maipalagip nga inatake ti pagilian nga Israel dagiti nuclear sites ti Iran idi Hunyo a 13, 2025.
Sadiay Iran, addaan dagitoy iti programa a nuclear program a naiwaras kadagiti nagduduma a paset ti nasao a pagilian kas panagsagana dagitoy iti panagatake ti Israel ken daduma kadagiti nuclear ket naaramid iti underground.
Mamati met ti United States ken ti UN nuclear watchdog a ti Iran ket addaan iti secret nuclear weapons a simmardeng idi tawen 2003.
Ngem, pinaglibakan ti Islamic Republic ti nasao a banag.
