--Ads--
Impakammo ni Ukrainian President Volodymyr Zelenskyy a manamnama a maangay ti trilateral talks dagitoy kadwa ti Estados Unidos ken Russia idiay United Arab Emirates(UAE) kadagiti umay nga al-aldaw.
Daytoy ket kasaruno ti naangay a panakitaripnongna kenni United States President Donald Trump idiay Davos,Switzerland idi kalman kagiddan ti World Economic Forum Annual Meeting.
Sigun kenni Zelenskyy, dagiti dokumento nga inaramid ti Ukraine ken ti US para iti panakaisardeng ti uppat a tawenen a gubat iti nagbaetanda iti Russia ket dandanin makompleto.
Innayonna nga iti baet a nagbalin a challenging ti panagsaritada kenni Trump ket kinunana a positibo ti nagbanagan daytoy.
