Ad-adda a ngimmato pay ti utang ti Pilipinas iti P16.09 trilion idi ngudo ti Nobiembre, sigun iti Bureau of Treasury idi kalman.
Daytoy ket P70.7 bilion wenno 0.4 a porsiento a nangatngato nu idilig iti utang ti Pilipinas idi ngudo ti Oktubre.
Sigun iti nasao nga ahensia, ti kangrunaan a rason ket gapu iti net financing ken panagbaba ti balor ti piso.
Iti pakabuklan a debt stock, P10.92 trillion wenno 67.87 a porsiento, ket domestic debt, bayat a ti foreign debt ket P5.17 trillion wenno 32.13 porsiento iti pakabuklan nga utang.
Ti domestic debt ket ngimmato iti P30.67 bilion idi Nobiembre babaen ti net issuance ti domestic securities ken ti P1.15 billion nga epekto ti panagbaba ti balor ti piso iti US dollar-denominated domestic debt.
Idi nagtugaw ni President Ferdinand Marcos Jr. iti takem idi Hulio dos mil baente dos, ti utang ti Pilipinas ket P12.89 trillion.
Kinuna dagiti economic managers a ngumatngato ti utang ti pagilian, ngem agtaltalinaed latta a kontrolado gaputa agtultuloy met a dimmakdakkel wenno ngumatngato ti ekonomia ti Pilipinas.
