Inwaragawag ti Land Transportation Office (LTO) nga inlaylayunna ti validity ti sumagmamano a lisensia ken registration a nag-expire manipud Hulio 1, 2026.
Daytoy ket gapu iti maatap a downtime ken nabannayat a Land Transportation Management System (LTMS).
Saklawen ti pannakailaylayun dagiti driver’s license, vehicle registrations, conductor’s license, student-driver’s permit, ken medical certificate.
Gapu iti dayta, agtalined a valid dagiti dokumento a nag-expire manipud Hulio 1 agingga iti sumaruno a pakdaar ti LTO.
Inlawlawag ti ahensiya nga awan ti maipataw a late fees ken penalties kadagiti agrenew a saklaw ti extension bayat nga epektibo ti memorandum Circular No. MVL-2026-5271.
Agtalinaed nga epektibo ti pannakailayayun daytoy agingga a marisut ti parikut iti nasao nga LTMS.
Iti kanito a maisubli iti normal ti sistema, mangipaulog ti LTO iti baru a memorandum tapno maisardeng ti nasao nga extension.
