--Ads--
Binabalaw ni Vice President Sara Duterte ti panangaramat ti ladawan ti anakna tapno mangiwaras ti palso a damag.
Iti impablaak ti bise-presidente iti social media account daytoy, makita iti agwarwaras a ladawan ti panagkiddaw ti anak daytoy iti publiko nga agwayanan daytoy ti inana.
Sigun kenni Vice President Sara Duterte, saanna pulos nga aramaten ti annakna iti bukodna nga interes.
Sigun pay kenkuana, nainget a pagpaglanna dagiti annakna a makinayon iti saritaan ti politika.
Kidkiddawen met daytoy iti publiko a saanda nga aramaten dagiti annak daytoy tapno mangiwaras kadagiti awan kinapudnona a damag.
Inyunayunayna a responsibilidad ti tunggal maysa ti panangprotekta kadagiti ubbing. //Bombo Karen Sapirao
