Saan a naimatangan ti presensya ni Vice President Sara Duterte iti maikatlo nga aldaw ti panagdengngeg ti House Committee on Justice seknan iti reklamo nga impeachment kontra kenkuana.
Bayat iti panagdengngeg, naawagan ti nagan daytoy tapno makumpirma ti saan a panag-dar-ay daytoy iti nasao a hearing .
Nupay kasta, impakaammo ti committtee secretary a saan a present ti bise presidente.
Sigun kenni House Committee on Justice Chairperson ken Batangas 2nd District Representative Gerville Luistro, naikanen ni Vice President Duterte iti gundaway a dumar-at, mangisumitir iti ebidensya, ken mangipaay iti lawlawag seknan kadagiti alegasyon a maibatbato kontra kenkuana.
Karaman kadagiti nasao nga alegasyon a sangsangwen ti bise presidente ket ti maatap a saan a nasayaat a panangaramatna ti minilmilyon a condidential funds manipud Office of the Vice President ken Department of Education idi daytoy ti nagtugaw kas Education secretary. //bombokaren.c.s
