Inpaayaan ti National Bureau of Investigation (NBI) ti subpoena ti tallo a vlogger gapu iti maatap a panangiwarasda iti awan kinapudnona nga impormasyon seknan iti salun-at ni President Ferdinand Marcos, Jr.
Nabigbig dagiti tallo a vlogger a da Rigondola Ping, Crage Anderpal, ken Iloy Bugris, agpada a mapabaayan para iti imbestigasyon kalpasan a maatap a nangiruwar dagitoy kadagiti peke nga statements, ladawan, ken graphics nga adda ti nakaro a rikriknaen ti presidente.
Sigun kenni Palace Press Officer Undersecretary Claire Castro, ti reklamo ket manipud iti Presidential Communications Office (PCO) a naipasa iti National Bureau of Investigation para iti nainget nga imbestigasyon.
Maibasar iti reklamo, maatap a nag-live broadcast ni Burgis ket ditoyna a dinakamat nga adda iti nakaro a kondisyon ti Presidente bayat a ni Ping met ket nag-edit ti ladawan tapno iparangna nga adda ti sakit ti presidente.
Kabayatanna, nangibinglay wenno inshare met ni Anderpal dagiti edited a graphics.
Impaganetget ti Palasyo a sungbatan amin dagiti indibidual dagiti innaramidda a panangiwaras kadagiti saan a pudno nga impormasyon.
Iti sabali a bangir, nangipila ni Philippine Communications Office ti nagsina a reklamo kontra iti maysa a social media page a nangiwaras ti saan a pudno nga impormasyon seknan met iti sitwasyon ti enerhiya iti pagilian. //bombokaren.c.s
