Inwaragawag ni Vice President Sara Duterte nga idi napalabas a tawen pay laeng a na-recruitna ti agbalin nga running mate daytoy para iti 2028 presidential election ngem saanan a dinakamat nu sino daytoy tapno ma protektaran ti kinataona.
Maipalagip nga idi Miyerkules, indeklara ni Vice President Sara Duterte nga agngayangay daytoy kas presidente inton 2028.
Sigun kenni Vice President, saanna nga impakaammo a dagus kenni sigud a President Rodrigo Duterte ti nasapa a panangideklarana ti planona.
Innayonna a nagdesisyon daytoy a mangi-anunsyo a nasapa gapu iti kiddaw dagiti supporters daytoy.
Nagkomento met daytoy iti nagbalin nga statement ni sigud a President Rodrigo Duterte idi 2021 no sadino dinakamatna a saan a para kadagiti babbai ti panangidalan ti pagilian.
Sigun kenni Vice President Sara Duterte, awan ti koneksyon ti gender iti kabaelan ti maysa a tao a mangidalan. // Bombo Karen Calpoe Sapirao
