--Ads--
Patien ni Vice President Sara Duterte a maysa a kita nga “state kidnapping” ti pannakakemmeg ti amana a ni sigud a President Rodrigo Duterte a naiturong idiay The Hague, Netherlands idi kalman.
Daytoy ket kinunana idi kalman sakbay a tumayab wenno agbiahe ti nagluganan nga eroplano ti sigud a Presidente.
Kinunana kadagiti Pilipino a saan nga ummanamong a ti maysa a Pilipino ket maipaay iti ganggannaet nangruna nu ruaren iti linteg.
Kabayatanna, kinumpirmar idi laeng kalman ti International Criminal Court a nangipaulogda ti arrest warrant kontra kenni sigud a President Rodrigo Duterte seknan iti maatap a crimes against humanity iti kampaniana a war on drugs.
