Inlawlawag ni Senate President Francis “Chiz” Escudero ita nga aldaw ti agwarwaras a video nu sadinno, dagos nga inala ni First Lady Liza Araneta-Marcos ti wine glass bayat ti Vin d’Honneur para iti maika-sangagasut duapulo ket innem nga anibersaryo iti Philippine Independence idiay Malakanyang idi kalman.
Sigun kenni Senador Escudero, nagbalin laeng daytoy a “gentleman”.
Iti social media post ni Escudero, kinunana a ti inaramidna ket saan nga “old-fashioned” nu diket maysa a wagas tapno makilinnangen ken agbalin a “gentleman”.
Makita iti video ni President Ferdinand “Bongbong” Marcos Jr., Speaker Martin Romualdez, Foreign Affairs Secretary Enrique Manalo, Executive Secretary Lucas Bersamin, ken dadduma pay.
Agarup walo pulo ket uppat a diplomats ken bisita ti nakipaset bayat ti nasao a panagrambak.
Iti agdama, awan paylaeng ti komento ti Malakanyang mainaig iti nasao a banag.
