Impeksa ti Vietnam a situtulokda a makisarita iti Pilipinas tapno agsapul kadagiti addang a maitunos iti interes ti dua a pagilian.
Kasaruno ti panangipila ti Pilipinas idi napan a lawas iti claim iti United Nation para iti “extended continental shelf” iti South China Sea.
Ti Vietnam ken Pilipinas gamin ket karaman iti agtagikua iti paset ti South China Sea.
Idi napalabas a lawas, impila ti Pilipinas ti nasao a banag nu sadinno, $3 trillion a gatad ti trade ti lumablabas tunggal tawen, ken mapapati a nabaknang kadagiti deposito ti lana ken natural a gas, kasta met kadagiti stock ti ikkan.
Iti maysa nga statement, kinuna ti Foreign Affairs Department ti Pilipinas babaen ti Philippine Mission to the UN idiay New York a nangisubmitirda idi Hunio katorse ti impormasion iti United Nation Commission on the Limits of the Continental Shelf (CLCS) tapno mairehistro ti titulo iti “extended continental shelf” (ECS) iti West Palawan Region idiay West Philippine Sea.
