--Ads--
Impakaammo ni Vice President Sara Durterte nga addan ti ginuyugoyna nga agbalin a running mate daytoy para iti presidential bidna iti 2028 elections.
Nupay kasta,nagkedked paylaeng daytoy nga ibutaktak ti pakabigbigan ti indibidwal gapu ta awan pay ti desisyon daytoy.
Innayon ti bise presidente a ti nasao nga indibidwal ket rinekrutna idi napan a tawen.
Maipalagip a ni VP Sara ti kaunaan a nangiwaragawag iti tarigagayna nga agtaray kas presidente iti nasao nga eleksyon.
Nupay kasta,patien dagiti daduma a maysa laeng daytoy nga estratehiya nangruna ket umadanin ti panakairugi ti panakadengngeg dagiti naipila nga impeachment complaints kontra kenkuana.
