Inispal ti Bureau of Immigration (BI) dagiti walo a biktima iti human trafficking a na-recruit tapno agtrabaho idiay Israel iti baet ti agtultuloy a gubat sadiay.
Sigun iti Immigration protection and border enforcement section (I-PROBES), ginandat ti maysa a babai a human trafficker ti pumanaw iti pagilian kaduana dagiti biktima iti Clark International Airport (CIA) Terminal 2 babaen ti panagpammarangna nga agbiahe iti holy site idiay Israel.
Nupay kasta, inaklon dagiti biktima nga agtrabahoda kas hospital ken hotel cleaner apaman a makadanunda idiay Israel bayat nga inkari ti nangrecruit kadakuada ti binulan a sueldoda iti P60,000 agingga iti P80,000.
Gapu iti dayta, dagus a naarestar ti nasao a recruiter.
Maipalagip nga agtaltalinaed iti Alert Level 2 ti pagilian nga Israel kagiddan ti panag-atake ti Iran sadiay, no sadino dagiti laeng mapalubusan ket dagiti laeng overseas Filipino workers (OFWs) nga agtarigagay nga agawid iti Pilipinas
