BAGUIO CITY – Nakemmegen ti maysa kadagiti wanted a rebelde iti listaan ti Police Regional Office Cordillera.
Nabigbig daytoy a ni Pancho Diwag Lunes alyas Edgar, 54-anyos, sigud a Militia ng Bayan iti sidong ti Lejo Cawilan Command – Kilusang Larangang Guerilya Baggas ti Ilocos-Cordillera Regional Committee.
Nakemmeg daytoy idi rabii sadiay Sitio Ubel, Barangay Gawaan, Balbalan, Kalinga babaen iti nagtitipon a pwersa ti pulisya ken militar.
Nakemmeg ni Lunes babaen iti bileg ti warrant of arrest nga impaulog ni Presiding Judge Marcelino Wakas ti Regional Trial Court Branch 25, Bulanao, Tabuk City, Kaling gapu iti sangsangwen daytoy a kaso a double murder ken multiple frustrated murder nga awanan ti piansa.
Naamuan nga adda ti P700,000 a patong iti ulo ni Lunes kas nailanad iti DND-DILG Joint Order No. 14, series of 2012.
