Dumanon iti nasurok 3, 500 a tattao ti nakipaset iti White Ribbon March a naipatungpal iti EDSA People Power Monument idiay Quezon City idi June 28, 2026.
Pinasetan daytoy dagiti grupo ti simbaan, civil society ken dadduma pay.
Naisayangkat ti nasao a protesta, tapno maituloy ti awag iti panagsungbat ti gobierno iti baet ti agtultuloy nga impeachment proceedings kontra kenni Vice President Sara Duterte ken ti panagimbestigar iti flood control corruption.
Inyunay-unay ni BAYAN President Renato Reyes a dagiti nakipaset iti protesta ket posible a buklen dagiti pro-Marcos ken pro-Duterte.
Kalpasan ti naisayangkat a misa, nag-marcha dagiti tattao a paturong iti People Power Monument.
Naipatungpal ditoy ti programa no sadino, nangipaay ti statement dagiti Inter-religious ken civil society speakers tapno agpatingga ti korapsion iti pagilian.
Sigun iti Philippine National Police (PNP), awan ti napasamak nga untoward incident kabayatan ti nasao nga aktibidad.
Iti baet dayta, naobserbaran ti nailet a gunay ti trapiko iti northbound lane ti EDSA-Ortigas.
Kabayatanna, impeksa ni Metropolitan Manila Development Authority (MMDA) Nicolas Torre III a nagpatingga ti White Ribbon March a natalna.
