Inlawlawag ti Quezon City Government nu apay a saanda a pinalubosan ti Iglesia ni Cristo a mangilaylayon iti rally dagitoy.
Daytoy ket kalpasan a kinumpirmarda ti Department of Public Order and Safety (POSD) ti nasao a siudad nga agingga laeng ita nga aldaw ti panagrally dagitoy idiay EDSA.
Sigun kenni Quezon City Department of Public Order and Safety Head Elmo San Diego, adda dagiti tungtungpalenda a pagalagadan a saan dagitoy a mangipaay iti permit iti tallo nga agsasaruno nga aldaw.
Innayon pay ni San Diego ng awan pay ti opisyal a nakasarita dagitoy seknan iti panangisayangkat dagitoy iti rally.
Kagiddan dayta, nagpalagip daytoy kadagiti raliyista nga adda dagiti parameters nga inpaulog dagitoy a kasapulan a suruten dagiti amin a makipaspaset iti nasao a rally. //bombokaren.c.sapirao
