Agtuloy ti Iglesia ni Cristo (INC) rally ita nga aldaw iday Liwasang Bonifacio idiay Manila.
Naiyakar ti pakaangayan ti nasao a rally kalpasan a saan a pinatgan ti lokal a gobyerno ti siudad ti Quezon ti kiddawda a pannakailaylayon ti permitda nga agtitipon idiay EDSA-White Plains.
Nagleppas met ti programada iti kalman iti alas-otso ti rabii.
Sakbay a nagleppas ti nasao a rally, ginuyugoyda amin a nakipaset a linisanda ti lugar ken awitenda dagiti basura da.
Sigun iti maysa a ministro ti Iglesia ni Cristo, maiyakar idiay Liwasang Bonifacion ti nasao a rally no sadino saanda a kasapulan nga agisecure iti permit tapno mangisayangkat ti programa sadiay.
Innayon daytoy a panggep ti panagakarda iti panangituloy ti panangiyebkasda kadagiti kapanunotanda.
Kabayatanna, kas panagsagana, inwaragawag ni National Capital Region Police Office (NCRPO) chief Police Major General Anthony Aberin a mangideployda iti umuna a batch ti agarup 1,000 a kapulisan idiay Liwasang Bonifacio tapno bantayanda ti seguridad ti publiko ken dagiti kapaset ti nasao a rally.
Innayon daytoy a posible pay a mangnayonda kadagiti pulis depende iti kaadonto dagiti makipaset iti protesta.
Nagkiddaw metlaengen ti NCRPO ti kanayunan a pwersa manipud kadagiti dadduma a yunit ti pulisya.
Iti agdama, agtaltalinaed a naka-full alert ti kapulisans sadiay pakairamanan dagiti nakadeploy idiay Malacanang. //bombokaren.c.sapirao
