Ginuyugoy ni Education Secretary Sonny Angara dagiti pagadalan iti Pilipinas a papigsaen ti pannakitinnulong iti Parent-Teacher Associations (PTAs) tapno makatulong iti pananglapped iti kinaranggas kadagiti pagadalan.
Sigun kenni Angara, napateg nga agbalin a katinnulong dagiti nagannak iti nasapa a panangammo kadagiti pakaseknan dagiti estudiante, karaman ti bullying, mental health, kagagalad, ken dadduma pay nga isyu nga adda pakainaiganda.
Indagadagna metlaeng kadagiti pagadalan nga aramaten dagiti maisaysayangkat a panagtaripnong iti PTA saan laeng a maipapan iti isyu iti administratibo nu diket kasta metten iti panangpapigsa iti child protection ken school safety programs.
Ti panawagan ket kasaruno iti sumagmamano nga insidente iti kinaranggas kadagiti pagadalan idiay Tacloban City ken Zamboanga City, kasta metten kadagiti pangta idiay Quezon City ken Cebu City, a nangitunda iti nainget a seguridad iti sumagmamano a pagadalan.
