BAGUIO CITY – Natiliw ti binigbig ti Highway Patrol Group (HPG) a maysa kadagiti Most Wanted Persons ti rehion Cordillera iti balligi a manhunt operation dagitoy idi kanikadua.
Nabigbig ti nasao nga indibidual a ni Shallemires Aventura Castillo, alyas โKelly Casa Abnesโ, โIrish Aventura Costalesโ ken โLuz Galvezโ, 43-anyos ken addaan ti nagduduma nga address partikular sadiay Ledesma Street, Modern Site West, Baguio City ken Pines Park, Balili, La Trinidad, Benguet.
Maibasar iti rekord dagiti otoridad, ni Castillo ti maika-sangapulo a most wanted person iti entero a Cordillera.
Natiliw daytoy babaen iti bileg ti warrant of arrest nga impaulog ti Municipal Trial Court ti First Judicial Region sadiay Sanyo Tomas, La Union gapu iti kasona nga estafa.
Nagramot ti kaso ni Castillo iti panakairamanna iti adu a panaggatang ken panagilako kadagiti lugan babaen iti RENT/SANGLA BAWI/TANGAY schemes.
Maibasar pay iti report ti HPG-Cordillera, ni Castillo ket kangrunaan a miembro ti CRISPIN CABOTUTAN Carnapping Group.
Impanamnama met ti HPG nga ituloyda ti kampanya tapnu maragpatda ti hustisya para kadagiti biktima dagiti managdakdakes ken dagiti kakomplot dagitoy.
