Pimmusay ti sangapulo nga indibidual bayat nga innem ti nadangran iti West Java idiay Indonesia kalpasan a narba ti bato iti maysa a quarry, sigun iti disaster agency.
Iti maysa a video, maimatangan dagiti excavators a mangkalkali kadagiti dadakkel a bato bayat nga iyak-akar met dagiti personnel dagiti bangkay iti ambulansia.
Sigun iti national disaster management agency, karaman kadagiti nagaburan ket dagiti heavy machinery pakairamanan dagiti tallo nga excavators.
Saan pay nga ammo dagiti maseknan nga ahensia nu mano ti bilang dagiti mapukpukaw nga indibidual.
Iti social media post ni Java Governor Dedi Mulyadi,kinunana a ti nasao a lugar ket napeggad.
Iti agdama, agtultuloy dagiti panagregget a mangbirok kadagiti tattao a naitabon iti sirok dagiti rebbek.
