--Ads--
Nawayawayaan dagiti 1,058 a persons deprived of Liberty (PDLs) kadagiti sumagmamano a pagbaludan ken penal farms iti pagilian ita a bulan sigun iti Bureau of Corrections (BuCor).
Sigun pay iti nasao nga ahensia, dumanon iti 20, 629 a PDLs ti nawayawayaan iti Marcos administrasion.
Kabayatanna, binalakadan ni Justice Undersecretary Deo Marco dagiti amin a sigud a PDLs a paneknekanda ti bagida.
Innayon pay ti nasao nga opisial a rumbeng nga ipakitada a nagbalbaliw dagitoy ken impettengna a tanggapenda ti napalabasda ken saanda nga itulok a daytoy ti mangiladawan iti masakbayanda.
