1,100 a puon ti marijuana plants, pinarut ken inuram dagiti otoridad idiay Kibungan, Benguet

KIBUNGAN, BENGUET – Saan a sumarsardeng ti Philippine National Police ken Philippine Drug Enforcement Agency iti kampanya dagitoy kontra iligal a droga tapno mapaksiyat ti panagmula ti marijuana iti Cordillera Administrative Region.

Pakabuklan a 1,100 a puon ti mula a marijuana nga aggatad ti P220-K ti pinarut dagiti otoridad idiay Tacadang, Kibungan, Benguet idi kalman, Mayo 21, 2024.

Iti Sitio Bulalacao, nadiskobre ti agarup 600 a puon ti fully grown marijuana plants nga aggatad ti P120-K bayat nga idiay Sitio Batangan ket nadiskobre ti 500 a puon ti fully grown marijuana plants nga aggatad ti P100-K.

Amin dagiti naparut a mula a marijuana ket nauram metlaeng iti nasao a lugar.