Dumanon ti agarup 250 a police personnel ti manamnama a maiwaras kabayatan ti Grand Cañao 2026 a highlight iti selebrasyon ti Adivay Festival 2026 inton November 23.
Sigun kenni PLTCOL Elpidio Pagoy, Officer in charge ti La Trinidad Municipal Police Station, na-augment dagiti sumagmamano a Municipal Police Station ken Mobile Forces manipud iti Benguet Police Provincial Office para iti month long selebrasyon ti nasao a piesta nangruna inton November 23.
Inlawlawag ti opisyal a nu man pay adda dagiti deployment para iti Adivay ngem saan a mapukaw dagiti police personnels a mangipatpatungpal iti regular patrolling iti komunidad nangruna kadagiti lugar a kadawyan a pakapaspasamakan ti krimen tapnu namintiner ti linak ken kapia.
Kabayatanna, manamnama a maapektaran ti gunay ti trapiko nangruna iti pannakaipatungpal ti Grand Cañao gapu iti kinaadu dagiti tattao a manamnama a dumar-ay iti nasao nga aktibidad.
Gapu iti dayta, agpalpalagip ni PLTCOL Pagoy iti publiko ken motorista iti panangplano a nasayaat iti panagbyahe tapnu saan a maapektaran ti nailet a gunay ti trapiko.//Bombo Noveh Organo





