Dumanon iti 15 a fraud cases ti impila iti PhilHealth kontra kadagiti health care providers, facilities ken professionals idi 2024.
Kaadwan kadagiti kaso a naipila ti Upcasing ken No Balance Billing Policy violation.
Sigun kenni Attorney Eric Mandiit, dadaulo iti Legal Unit ti PhilHealth Regional Office Cordillera, manipod nasao a bilang, 12 iti Upcasing nu sadino,agparparang nga indeklara ti doktor nga high risk ti pasyente iti baet a low risk daytoy tapno makaavail iti PhilHealth.
Tallo met a kaso ti buklen iti No Balance Billing Policy Violation nu sadino, adda ti nairekord a panagbayad dagiti sumagmamano a pasyente iti baet a naideklara nga awan ti masapol a bayadan dagitoy.
Iti baet dayta, imbinglay ni Atty. Mandiit a bimmaba ti kaso ti fraud claims a nailista ti PhilHealth iti Rehiyon Cordillera.
Inlawlawagna nga idi 2023, 208 ti naisumitir kadakuada para iti imbestigasyon ken validation nu sadino, agarup 65 a kaso ti naipilada.//Bombo Genzel Depayso
