Kinumpirmar ti Police Regional Office – Bangsamoro Autonomous Region (PRO-BAR) a dumanon iti 16 ti napasamak nga election-related incidents kabayatan ti kaunaan a parliamentary elections sadiay Bangsamoro Autonomous Region in Muslim Mindanao (BARMM) idi Lunes, Setiembre 14, 2026.
Karaman ditoy ti shooting incidents, trapping incidents ken explosion incidents.
Maibasar iti kaudian a datos ti COMELEC, dumanun iti uppat ti pimmusay ken 19 ti nadangran gapu iti election-related incidents.
Tallo kadagiti pimmusay ken 15 kadagiti nadangran ti natamaan iti insidente ti pammaltog sadiay Datu Usman Mampen school site, Barangay Bagua 2, Cotabato City.
Mainaig iti dayta, maysa ti pimmusay bayat a tallo ti nadangran gapu iti riribuk a napasamak iti Pilot Central Elementary School sadiay Cotabato City.
Kabayatanna, nakompromiso ti 36 kadagiti 68 a precints sadiay Maluso kalpasan a naduktalan a pre-shaded dagiti amin a ballota
