Kidkiddawen ita ti Commission on Elections (COMELEC) iti publiko nga ireportda ti anyaman nga anomalya a mabalin a makaapekto iti naurnos ken natalna nga umuna a parliamentary elections iti
Sigun kenni COMELEC Chairperson George Garcia, napateg nga agbalin a nakasagana ti publiko a mangireport kadagiti otoridad iti anyaman a posible a mapasamak.
Kinuna pay ni Garcia nga imbestigaran ti nasao nga ahensya dagiti maawatda a report ken mabalin a mangiruwarda iti show cause order kontra kadagiti mairekreklamo nga indibidual.
Maipatungpal inton Setyembre 14 ti umuna a parliamentary election idiay BARMM.
Kabayatanna, impetteng ni Garcia nga adda ti threat monitoring center ti nasao nga ahensya a makikokoordinar iti Department of Information and Communications Technology (DICT) ken social media platforms tapno maaddressan ti panangiwaras kadagiti ulbod a damag ken misleading posts.
Kinidaw met ni Garcia a maipaayan ti nasao nga ahensya iti nalawlawag a bileg a mangregulate iti social media seknan iti nasao nga eleksyon.
