Nasurok a dua a porsiento kadagiti kandidato a makisalisal kadagiti lokal a posision iti Eleksyon 2025 ti agkandidato nga awan ti kalabanna.
Maibasar iti datos, 1,068 a kandidato para kadagiti lokal a posision ti awan ti kaay-ayamna.
Daytoy ket mangbukel ti 2.58% iti agarup a 41,342 a kandidato iti lokal nga eleksion.
Karaman kadagitoy ti lima pulo ket maysa a kandidato para iti district representative seats nga agtaray nga awan ti kalabanna, a mangbukel iti 20.08% kadagiti amin a kandidato iti kongreso.
Walo kadagiti kandidato ket manipod idiay Central Luzon, walo idiay Calabarzon region, bayat a sag-lima idiay Cagayan Valley ken Caraga region.
Para met iti gobernador, siam ti awan kalabanna ken sangapulo ket tallo para iti bise-gobernador.
Iti provincial board candidates iti sangapulo ket innem a probinsia, agarup pito pulo ket dua a kandidato ti awan kalabanna, agraman ti 288 a kandidato para iti kina-mayor ken 324 a kandidato iti bise mayor.
Para iti munisipio ken konseho iti siudad, 311 a kandidato para kadagiti posision ti konsehal ti awan kalabanna manipod iti 34 a munisipalidad, tallo a siudad, ken dua a distrito ti siudad.
Iti datos, tallo pulo ket dua a local government units iti Pilipinas ti addaan ti kandidato—manipod mayor agingga councilor—nga agtaray nga awan kalabanna.
