--Ads--
BAGUIO CITY – Sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti dua a maatap a drug personalities sadiay Lagangilang, Abra.
Daytoy ket kalpasan a natiliwda idi nagpositibo ti naimplementar a nagsina a search warrants kontra kadagitoy.
Nabigbig dagiti dua a da Justine Calwing Flores, 28-anyos ken Sherwin Damoasan Bernal, 35-anyos, agpada nga awanan trabaho ken residente ti Lagangilang, Abra.
Nakumpiskar iti pagtaengan ni Flores ti dua a pakete ti maatap a shabu nga agdagsen ti agarup 0.4 gram ken aluminum foil.
Nakumpiskar met iti pagtaengan ni Bernal ti maysa a pakete ti maatap a shabu, dua a pakete a naglaon ti maatap a shabu residue ken maysa nga aluminum foil.
