Dua a tripulante ti nadangran ken dua ti mapukpukaw kalpasan a rinaut dagiti sea drones ken armed group ti barko nga Eternity C nga asideg idiay Yemen idi Lunes.
Ti barko a maaw-awagan ti Liberia ket idadauloan ti kumpania a Greek a Cosmoship Management, sakayna ti 22 a tripulante nu sadinno, 21 kadagitoy ket Pilipino ken maysa a Russian.
Sigun iti nasao a kumpania, tinamaan dagiti drones ti rangtay ti barko ken naapektaran ti communication system daytoy.
Gapu iti pannakadangran a nasagrapna ken ti panagserrek ti danum iti barko, napilitan nga agbakwit ti 19 a nabatbati a crew members.
Insalakan daytoy ti maysa a barko a nagdalan ken natalged a nakadanonda idiay Djibouti.
Nakumpirmar a ti 19 a Pilipino a tripulante ket natalgeden ti kasasaada.
Agtultuloy paylaeng iti panagsapulda kadagiti mapukpukaw a dua a crew.
Naammuan a ti insidente ket napasamak sumagmamano nga oras kalpasan a rimmaut metlaeng ti Iran-aligned Houthi militants iti maysa pay a barko idiay Red Sea, a maibagbaga a limned—ngem saan pay daytoy a kumpirmado.
