--Ads--
Pimmusay ti 2-anyos a lalaki kalpasan nga aksidente a nabuyyatan ti agburburek a danum iti bagi ken ti rupa daytoy idiay Cagayan de Oro City.
Nabigbig ti biktima a ni Cody Ryan Balili.
Sigun iti lola ti ubing a ni Rosa Balili, nagpapudot ti ama ni Cody para iti panagtimpla daytoy ti gatas.
Inkabil ti amana iti pagkabilan ti napudo a danum ket impatongna iti lamisaan.
Nakigtot laengen ti ama ti ubing kalpasan a nagpukkaw ti anakna.
Pinakibyangan gayam ti ubing ti napudot a danum ken naibuyat daytoy kenkuana.
Naitaray pay ti ubing iti pag-agasan ngem pimmusay metlaeng daytoy.
Naamuan ti ina ti ubing a maysa nga nga OFW ti napasamak iti anakna a ni Cody.
Nupay kasta, saan a makaawid iti Pilipinas gaputa baro nga OFW paylaeng daytoy.
